Факултетот за стоматологија обезбедува квалитетни академски студии со многу часови претклиничка и клиничка настава во современ стоматолошки клинички центар со стручен персонал од сите области на стоматологијата.

Предавањата се интерактивни и ми овозможуваат да бидам повеќе од пасивен слушател. Преку интеракција со наставниците и останатите студенти, активно учествувам во размена на информации, мислења и ставови на одредени теми од наставниот материјал.

Наставниот кадар е секогаш достапен, можам да комуницирам лесно и добивам дополнителни информации кога ми се потребни. Ова значително ми помогна во совладување на наставниот материјал и при изработката на стручни трудови.

Европски Универзитет е академска средина во која добро сум прифатен и имам целосна поддршка од секој аспект. Моето досегашно искуство како интернационален студент со студиски престој во Македонија, потврдува дека сум го направил вистинскиот избор.