Во рамките на Европскиот Универзитет  во организација на Факултетот за стоматологија беше реализирана практична едукација на студентите за безболна препарација на забите со најсовремена метода.

Методата air abrasion – воздушна абразија за првпат беше презентирана во Македонија и тоа на студентите на Факултетот по стоматологија при Европскиот Универзитет.

Оваа метода овозможува безболна и бесшумна  работа во устата на пациентот, без користење на класичните стоматолошки апарати.

Стоматолошкиот факултет при Европскиот Универзитет постојано е во тек со современите светски трендови во стоматологијата, кои континуирано се имплементираат во секојдневната едукација на студентите.