Слика

Почитувани,

Согласно препораките на Владата од 26.02.2020, а по одлука на Ректорската управа на ЕВРОПСКИ УНИВЕРЗИТЕТ Скопје, Ве известуваме дека сите студенти кои во последниве две недели биле во регион погоден од Корона вирусот што ја предизвикува болеста COVID-19 (Италија и Далечниот исток), не треба да посетуваат настава на Универзитетот во следните 14  дена.

Во продолжение интегралниот текст на насоките од Влада за итно постапување:

Согласно Заклучокот на 11 Седница на Владата на Република Северна Македонија одржана на 25.02.2020 година, Министерството за образование и наука Ви ги доставува следните насоки за итно постапување:

1. ПРЕПОРАКА :

Владата на Република Северна Македонија ги известува сите вработени во високото образование и научните установи, како и сите студенти ДОКОЛКУ во последниве 2 (две) недели патувале или живеат со некој којшто патувал во следниве земји/региони: регионите Ломбардија, Венето, Емилија-Ромања, Пиемонт во Италија, како и Кина, Хонг Конг, Иран, Јапонија, Маку, Филипини, Република Кореа, Сингапур, Тајван, потребно е наредните две недели (започнувајќи од утре – 27.02.2020 година) да бидат ослободени од работни обврски и настава и да не доаѓаат на работно место односно студентите кои патувале во овие региони или живеат со некој кој патувал во овие региони да бидат ослободени од настава.

Доколку во високообразовната установа има вработени или студенти кои патувале во наведените региони или живеат со некој кој патувал во овие региони, потребно е ВЕДНАШ да ги доставите следниве податоци:

  • дали има такви лица,
  • колку има такви лица,
  • податоци за истите (име и презиме на вработениот/студентот)

на следнава email адреса: [email protected]

2. ЗАДОЛЖЕНИЕ:

– Се задолжуваат сите високообразовни и научни установи да ги одложат сите планирани патувања и екскурзии во Република Италија.

3. Министерството за образование и наука АПЕЛИРА континуирано да се следат насоките и препораките од Светската здравствена организација, Министерството за здравство, Институтот за јавно здравје и Владата на Република на Северна Македонија.

Повеќе информации за препораките и задолженијата од Владата можете да добиете на следниот линк: https://vlada.mk/node/20317.

Со почит.

февруари 27, 2020

ВАЖНО ИЗВЕСТУВАЊЕ

Почитувани, Согласно препораките на Владата од 26.02.2020, а по одлука на Ректорската управа на ЕВРОПСКИ УНИВЕРЗИТЕТ Скопје, Ве известуваме дека сите студенти кои во последниве две недели биле во регион погоден од Корона […]
ноември 13, 2019

Призната диплома во В.Британија

ДОКТОР ПО СТОМАТОЛОГИЈА ВО В.БРИТАНИЈА СО ДИПЛОМА ОД ЕВРОПСКИ УНИВЕРЗИТЕТ Гордана Стојанова Чаракчиева е дипломиран студент на Факултетот за стоматологија, со завршени 5-годишни академски студии (300 […]
ноември 13, 2019

Факултет за стоматологија

Доктор по стоматологија со интернационално признати квалификации. Покрај академски, реализираме и стручни студии за забни техничари.
ноември 13, 2019

Тригодишни стручни студии за Забни техничари

Со реализација на оваа програма, целта ни е да оспособиме кадар којшто ќе се занимава со спроведување на постапки во заботехничките лаборатори .